Er mwyn bod yn effeithiol, mae angen i fudiadau trydydd sector ymgysylltu ag amrediad o randdeiliaid a dylanwadu arnyn nhw – boed hynny ar lefel unigol neu gymunedol neu’n fwy eang. Mae rôl y sector o ran ymgysylltu a dylanwadu wedi cynyddu wrth i gyllidebau’r sector cyhoeddus lleol a chenedlaethol leihau ac wrth i ddeddfwriaeth gael ei chyflwyno sy’n gofyn i’r sector fod yn rhan o lywodraethu lleol, rhanbarthol a chenedlaethol. Nod Cefnogi Trydydd Sector Cymru ar gyfer ymgysylltu a dylanwadu yw darparu cymorth fel y gall lleisiau mudiadau’r trydydd sector gael eu clywed.
Yn yr adran hon, byddwch chi’n dod o hyd i adnoddau sy’n egluro’r dirwedd wleidyddol yng Nghymru, a chanllawiau ymarferol ar frandio a chyfathrebiadau digidol er mwyn eich helpu chi i gyfleu eich neges.
Waeth a ydych chi eisiau chwarae rhan weithredol mewn dylanwadu ar bolisïau a’u llywio, neu ymgysylltu â gwirfoddolwyr, buddiolwyr neu eich cymuned ehangach, mae’r adnoddau hyn yma i’ch helpu.
Yn seiliedig ar eich diddordebau
Egwyddorion Cenedlaethol ar Gyfer Ymgysylltu â’r Cyhoedd yng Nghymru – Fersiwn hawdd ei darllen
Mae’r Egwyddorion Cenedlaethol ar gyfer ymgysylltu â’r cyhoedd yng Nghymru yn grŵp o ddeng egwyddor ar gyfer ymgysylltu â’r cyhoedd a defnyddwyr gwasanaethau.
Egwyddorion Cenedlaethol ar Gyfer Ymgysylltu â’r Cyhoedd yng Nghymru
Mae’r Egwyddorion Cenedlaethol ar gyfer ymgysylltu â’r cyhoedd yng Nghymru yn grŵp o ddeng egwyddor ar gyfer ymgysylltu â’r cyhoedd a defnyddwyr gwasanaethau.
Cyfryngau Cymdeithasol
Mae’r cyfryngau cymdeithasol yn sianel ryngweithiol, ddigidol sy’n hwyluso’r broses o greu neu rannu gwybodaeth, syniadau, diddordebau gyrfa, a mathau eraill o fynegiant drwy gymunedau a rhwydweithiau rhithwir. Mae llawer o gyfryngau traddodiadol yn cyflwyno gwybodaeth i gynulleidfaoedd ond yn rhoi ychydig iawn o allu iddynt roi eu barn ar fater.
