Mae sicrhau bod gan fudiadau gwirfoddol y sgiliau a’r offer sydd eu hangen arnyn nhw i ddod o hyd i gyllid ac amrywio eu hincwm yn bwysicach nag erioed. Mae Cefnogi Trydydd Sector Cymru [insert link – Amdanom ni] yn ymdrechu i sicrhau trydydd sector ffyniannus a chynaliadwy, lle mae mudiadau
yn sicrhau ac yn cynhyrchu’r adnoddau sydd eu hangen arnyn nhw i oroesi, ffynnu a pharhau i fod yn berthnasol yn y dyfodol.
Yn yr adran hon, byddwch chi’n dod o hyd i ganllawiau ar y gwahanol fathau o weithgareddau codi arian a gwybodaeth am brosesau ariannol fel tendro, bod yn addas i gael eich cyllido a chodi arian ar-lein.
Waeth a ydych chi’n gobeithio gwella’ch systemau ariannol neu eisiau rhoi cynnig ar ffyrdd newydd o godi arian, mae’r adnoddau hyn yma i’ch helpu.
Yn seiliedig ar eich diddordebau
Cyflwyniad i Dendro
Mae mwy a mwy o fudiadau sector gwirfoddol yn ceisio amrywio eu ffynonellau incwm drwy ymgorffori strategaethau a thechnegau a fydd yn sicrhau sylfaen gynaliadwy o gyllid iddynt. Mae tendro ar gyfer cyflenwi nwyddau neu wasanaethau dan delerau contract yn un o’r nifer o ddewisiadau y gellir ei ystyried er mwyn creu incwm
Adennill Costau Llawn
Dull o gyllidebu ar gyfer prosiectau neu wasanaethau yw adennill costau llawn sy’n galluogi mudiadau i adennill yr holl gostau sy’n gysylltiedig â chyflenwi’r prosiect neu’r gwasanaeth pan fyddant yn gwneud cais i gyllidwyr neu’n cyflwyno tendrau.
Prisio eich tendr
Mae mudiadau trydydd sector yn ceisio amrywio eu ffynonellau incwm fwy a mwy drwy gynnwys strategaethau a thechnegau i gyflawni sylfaen gyllido gynaliadwy.
