DARLLENWCH Y TELERAU AC AMODAU HYN YN OFALUS CYN DEFNYDDIO’R WEFAN HON

Beth sydd yn y telerau hyn?

Mae’r telerau hyn yn dweud wrthych am y rheolau i ddefnyddio ein gwefannau:

https://wcva.org.uk/

https://knowledgehub.cymru/cy/

https://www.recruit3.org.uk

https://www.volunteering-wales.net

Cadwn bob hawl na fynegir yn benodol yn y telerau hyn.

Pwy ydym ni a sut i gysylltu â ni

Gweithredir y gwefannau gan Gyngor Gweithredu Gwirfoddol Cymru, sef WCVA, (“ni”). Rydym wedi ein cofrestru yng Nghymru a Lloegr o dan y rhif cwmni 00425299 a’n cofrestru’n elusen o dan y rhif elusen 218093. Mae ein swyddfa gofrestredig yn Nhŷ Baltig, Sgwâr Mount Stuart, Caerdydd CF10 5FH.

I gysylltu â ni, ebostiwch [email protected], ysgrifennwch at Gwefeistr, WCVA, Tŷ Baltig, Sgwâr Mount Stuart, Caerdydd CF10 5FH neu ffoniwch ein llinell gwasanaeth cwsmeriaid sef 0800 2888 329.

Wrth ddefnyddio ein gwefannau rydych yn derbyn y telerau hyn

Wrth ddefnyddio ein gwefannau, rydych yn cadarnhau’ch bod yn derbyn y telerau defnyddio hyn a’ch bod yn cytuno i gydymffurfio â nhw.

Os nad ydych yn cytuno â’r telerau hyn, rhaid i chi beidio â defnyddio ein gwefannau.

Fe’ch argymhellwn i argraffu copi o’r telerau hyn i gyfeirio atynt yn y dyfodol.

Ceir telerau eraill a all fod yn berthnasol i chi

Mae’r telerau defnyddio hyn yn cyfeirio at y telerau ychwanegol canlynol, sydd hefyd yn berthnasol i’ch defnydd o’n gwefannau:

• Ein Polisi Preifatrwydd, sy’n amlinellu’r telerau yr ydym yn prosesu unrhyw ddata personol a gasglwn gennych chi yn unol â nhw, neu yr ydych chi’n ei ddarparu i ni. Wrth ddefnyddio ein gwefannau, rydych yn caniatáu prosesu o’r fath ac yn gwarantu bod yr holl ddata a ddarperir gennych yn gywir.
• Y Polisi Cwcis ar gyfer pob gwefan sy’n amlinellu gwybodaeth ynglŷn â’r cwcis ar ein gwefannau. Mae dolenni at ein polisïau cwcis ar gael ar bob gwefan unigol.

Gallwn newid y telerau hyn

Mae’n bosib y byddwn yn newid y telerau hyn o bryd i’w gilydd. Bob tro rydych am ddefnyddio ein gwefannau, gwiriwch y telerau hyn i sicrhau’ch bod yn deall y telerau sydd mewn grym bryd hynny.

Gallwn newid ein gwefannau

Mae’n bosib y byddwn yn diweddaru ac yn newid ein gwefannau o bryd i’w gilydd.

Gallwn atal neu ddiddymu ein gwefannau

Mae ein gwefannau ar gael yn rhad ac am ddim.

Nid ydym yn gwarantu y bydd ein gwefannau, na’r cynnwys arnynt, ar gael bob amser nac yn ddi-dor. Mae’n bosib y byddwn yn atal neu’n diddymu neu’n cyfyngu argaeledd ein holl wefannau, neu ran ohonynt, am resymau busnes a gweithredol.

Chi sy’n gyfrifol am sicrhau bod pawb sy’n defnyddio ein gwefannau drwy eich cysylltiad â’r rhyngrwyd yn ymwybodol o’r telerau defnyddio hyn a thelerau ac amodau perthnasol eraill, a’u bod yn cydymffurfio â nhw.

Rhaid i chi gadw manylion eich cyfrif yn ddiogel

Os ydych yn dewis cod adnabod defnyddiwr, cyfrinair neu unrhyw ddarn arall o wybodaeth fel rhan o’n gweithdrefnau diogelwch, neu os rhoddir y rhain i chi, rhaid i chi drin gwybodaeth o’r fath yn gyfrinachol. Rhaid i chi beidio â’i datgelu i drydydd parti.

Mae gennym yr hawl i ddiddymu unrhyw god neu gyfrinair adnabod defnyddiwr, ni waeth a yw’n un a ddewiswyd gennych chi neu’n un a ddarparwyd gennym ni, unrhyw bryd os yn ein barn resymol rydych wedi methu â chydymffurfio ag unrhyw ddarpariaethau yn y telerau defnyddio hyn.

Os ydych yn gwybod neu’n amau bod unrhyw un arall heblaw amdanoch chi yn gwybod eich cod neu’ch cyfrinair adnabod defnyddiwr, rhaid i chi roi gwybod i ni yn brydlon drwy ebostio [email protected]

Mae ein nodau masnach wedi’u cofrestru

Mae Cyfranogaeth Cymru a Participation Cymru yn nodau masnach cofrestredig i WCVA. Ni chaniateir i chi eu defnyddio heb ein cymeradwyaeth, onid ydynt yn rhan o ddeunydd yr ydych yn ei ddefnyddio fel a ganiateir o dan Sut y cewch ddefnyddio deunydd ar ein gwefannau.

Sut y cewch ddefnyddio deunydd ar ein gwefannau

Oni nodir yn wahanol, ni yw perchennog neu drwyddedai pob hawl eiddo deallusol ar ein gwefannau, ac yn y deunydd a gyhoeddir arnynt. Gwarchodir y gweithiau hynny gan ddeddfau a chytuniadau hawlfraint o amgylch y byd. Cedwir pob hawl o’r fath. Ni chaniateir copïo nac ail drawsyrru logos, deunydd graffeg na delweddau ar wefan WCVA heb ein caniatâd ysgrifenedig ymlaen llaw ac nid yw’r caniatâd a roddir isod yn ymestyn i ddyluniad na gosodiad ein gwefannau ac ni cheir eu copïo’n llawn nac yn rhannol.

Yn amodol ar yr eithriadau a nodir uchod, cewch argraffu fel copi caled, lawrlwytho i ddisg galed leol neu ddefnyddio unrhyw ddeunydd ar ein gwefannau ar yr amod bod hynny at eich defnydd personol chi neu ar gael i eraill yn eich mudiad chi’n unig.

Caniateir i gopïau gael eu cyflenwi i drydydd parti ar yr amod eu bod at eu defnydd personol; na fyddant yn cael eu cyflenwi fel rhan o waith neu gyhoeddiad arall, ac na fyddant yn cael eu cyflenwi’n uniongyrchol yn gyfnewid am elw masnachol. Mae cyflenwi copi i drydydd parti yn amodol ar eu hysbysu o’r ffaith bod y telerau hyn yr un mor weithredol yn eu hachos hwythau.

Rhaid i chi beidio ag addasu’r copïau papur na digidol o ddeunyddiau yr ydych wedi’u hargraffu neu eu lawrlwytho mewn unrhyw ffordd, a rhaid i chi beidio â defnyddio delweddau, ffotograffau, dilyniannau fideo neu sain neu unrhyw ddeunyddiau graffeg heb unrhyw destun sy’n mynd gyda nhw. Caniateir cyfieithu ar yr amod eich bod yn derbyn cyfrifoldeb llawn am gywirdeb y cyfieithiad.

Rhaid bob amser gydnabod ein statws (a statws unrhyw gyfranwyr a nodir) fel awduron y cynnwys ar ein gwefannau. Rhaid cadw pob hysbysiad hawlfraint a pherchnogol yn gyflawn, a rhaid atgynhyrchu ein cyfeiriad a’n manylion cyswllt.

Nid yw’r caniatâd i atgynhyrchu ein deunydd hawlfraint yn ymestyn i unrhyw ddeunydd ar y gwefannau sydd wedi’i nodi fel hawlfraint trydydd parti. Rhaid cael caniatâd uniongyrchol deiliad yr hawlfraint berthnasol i atgynhyrchu deunydd o’r fath.

Os ydych yn argraffu, yn copïo neu’n lawrlwytho unrhyw ran o’n gwefannau yn groes i’r telerau defnyddio hyn, bydd eich hawl i ddefnyddio ein gwefannau yn darfod ar unwaith a rhaid i chi, yn ôl ein dewis ni, ddychwelyd neu ddinistrio unrhyw gopïau o’r deunyddiau yr ydych wedi’u gwneud.

Byddem yn barod i ystyried ceisiadau am ganiatâd i ddefnyddio deunydd o’n gwefannau sydd y tu hwnt i delerau’r caniatâd a nodir uchod. Rhaid gwneud cais o’r fath yn ysgrifenedig ymlaen llaw a’i gyfeirio at [email protected]

Peidiwch â dibynnu ar wybodaeth ar y gwefannau

Darperir y cynnwys ar ein gwefannau er gwybodaeth yn unig. Ni fwriedir iddo fod yn gyngor y dylech ddibynnu arno. Rhaid i chi gael cyngor proffesiynol neu arbenigol cyn  penderfynu gweithredu neu beidio â gweithredu ar sail y cynnwys ar ein gwefannau. Ni dderbyniwn gyfrifoldeb am wallau, hepgoriadau, datganiadau camarweiniol nac am ganlyniadau hynny.

Er ein bod yn ymdrechu’n rhesymol i ddiweddaru’r wybodaeth ar ein gwefannau, nid ydym yn honni nac yn gwarantu, boed yn ddiamwys neu’n ymhlyg,  fod y cynnwys ar ein gwefannau yn gywir, yn gyflawn nac wedi’i ddiweddaru.

Nid yw cyfeiriad at unrhyw fudiad, cwmni neu unigolyn ar ein gwefannau, neu unrhyw wefannau eraill y mae dolen atynt, yn golygu ein bod yn cymeradwyo nac yn gwarantu eu henw da na’u gallu.

Nid ydym yn gyfrifol am wefannau yr ydym yn darparu dolenni atynt

Pan fo ein gwefannau yn cynnwys dolenni at wefannau eraill ac adnoddau a ddarperir gan drydydd partïon, darperir y dolenni hyn er gwybodaeth yn unig. Nid yw darparu dolenni o’r fath yn golygu ein bod yn cymeradwyo gwefannau’r dolenni hynny nac unrhyw wybodaeth a gewch chi ohonynt.

Nid oes gennym reolaeth dros gynnwys y gwefannau na’r adnoddau hynny.

Nid ydym yn cymeradwyo cynnwys a gynhyrchir gan ddefnyddwyr

Gall ein gwefannau gynnwys gwybodaeth a deunyddiau a lanlwythir gan ddefnyddwyr eraill o’r gwefannau. Nid ydym wedi gwirio na chymeradwyo’r wybodaeth na’r deunyddiau hyn ac ni dderbyniwn gyfrifoldeb am unrhyw wallau, hepgoriadau neu anghywirdeb mewn deunydd a gyflwynir. Nid yw’r farn a fynegir gan ddefnyddwyr eraill ar ein gwefannau yn cynrychioli ein barn na’n gwerthoedd ni.

Os hoffech gwyno ynghylch gwybodaeth a deunyddiau a lanlwythir gan ddefnyddwyr eraill cysylltwch â ni gan ddefnyddio’r manylion cyswllt a nodir ar dudalen 1 yn y telerau hyn.

Ein cyfrifoldeb am golled neu ddifrod a ddaw i’ch rhan chi

I’r graddau llawnaf a ganiateir gan y gyfraith, rydym yn gwrthod pob cyfrifoldeb am hawliau sy’n codi o ddefnydd o’n gwefannau, neu’n gysylltiedig â’u defnyddio, gan gynnwys (ond heb fod yn gyfyngedig i) hawliau sy’n codi o oedi, toriad neu anallu i gael at y gwefannau a defnyddio unrhyw gynnwys ar ein gwefannau neu ddibynnu arno. Nid ydym yn gwrthod nac yn cyfyngu mewn unrhyw ffordd ein cyfrifoldeb i chi pan fyddai gwneud hynny’n anghyfreithlon. Mae hyn yn cynnwys cyfrifoldeb am farwolaeth neu anaf personol a achosir gan ein hesgeulustod neu esgeulustod ein cyflogeion, ein hasiantau neu ein his-gontractwyr ac am dwyll neu gamliwio twyllodrus.

Lanlwytho cynnwys i’n gwefannau

Pryd bynnag rydych yn defnyddio nodwedd sy’n eich galluogi i lanlwytho cynnwys i’n gwefannau, neu i gysylltu â defnyddwyr eraill o’n gwefannau, rhaid i chi gydymffurfio â’r safonau cynnwys a nodir yn ein Polisi Defnydd Derbyniol.

Rydych yn gwarantu bod unrhyw gyfraniad o’r fath yn cydymffurfio â’r safonau hynny, a byddwch yn atebol i ni ac yn ein hindemnio os torrir y warant honno mewn unrhyw ffordd. Golyga hyn y byddwch yn gyfrifol am unrhyw golled neu ddifrod a ddaw i’n rhan ni o ganlyniad i dorri’ch gwarant.

Os ydych yn lanlwytho cynnwys i’n gwefannau, ystyriwn nad yw’r cynnwys hwn yn gyfrinachol a’i fod yn amherchnogol. Byddwch yn cadw’ch holl hawliau perchnogaeth i’ch cynnwys, ond bydd yn ofynnol i chi roi trwydded gyfyngedig i ni a defnyddwyr eraill o’n gwefannau i ddefnyddio, storio a chopïo’r cynnwys hwnnw ac i’w ddosbarthu a’i wneud ar gael i drydydd partïon.

Mae gennym hefyd yr hawl i ddatgelu eich hunaniaeth i unrhyw drydydd parti sy’n hawlio bod unrhyw gynnwys a bostiwyd neu a lanlwythwyd gennych chi i’n gwefannau yn torri eu hawliau eiddo deallusol, neu eu hawl i breifatrwydd.

Cadwn yr hawl i hepgor, atal neu olygu unrhyw ddeunydd a gyflwynir a dileu unrhyw beth rydych yn ei roi ar ein gwefannau os, yn ein barn ni, nad yw’ch cynnwys yn cydymffurfio â’r safonau cynnwys a nodir yn ein Polisi Defnydd Derbyniol.

Chi, a chi yn unig, sy’n gyfrifol am ddiogelu’ch cynnwys a chreu copi wrth gefn ohono.

Nid ydym yn gyfrifol am feirysau a rhaid i chi beidio â’u cyflwyno

Nid ydym yn gwarantu y bydd ein gwefannau yn ddiogel nac yn rhydd rhag bygiau na feirysau.

Chi sy’n gyfrifol am ffurfweddu eich technoleg gwybodaeth, eich rhaglenni cyfrifiadurol a’ch llwyfan i gael at ein gwefannau. Dylech ddefnyddio’ch meddalwedd eich hun i warchod rhag feirysau.

Rhaid i chi beidio â chamddefnyddio ein gwefannau drwy gyflwyno feirysau, trojans, mwydod, bomiau rhesymeg neu ddeunydd arall sy’n faleisus neu’n dechnolegol niweidiol. Rhaid i chi beidio â cheisio cael mynediad heb awdurdod at ein gwefannau, y gweinyddion y mae ein gwefannau yn cael eu storio arnynt nac unrhyw weinydd, cyfrifiadur neu gronfa ddata sy’n gysylltiedig â’n gwefannau. Rhaid i chi beidio ag ymosod ar ein gwefannau drwy ymosodiad gwrthod gwasanaeth nac ymosodiad gwrthod gwasanaeth wedi’i ddosbarthu. Os ydych yn torri’r ddarpariaeth hon, byddech yn cyflawni trosedd o dan Ddeddf Camddefnyddio Cyfrifiaduron 1990. Byddwn yn rhoi gwybod am unrhyw doriad o’r fath i awdurdodau gorfodi’r gyfraith berthnasol a byddwn yn cydweithredu â’r awdurdodau hynny trwy ddatgelu eich hunaniaeth iddynt hwy. Mewn achos o’r fath, bydd eich hawl i ddefnyddio ein gwefannau yn darfod ar unwaith.

Rheolau ynglŷn â darparu dolenni at ein gwefannau

Cewch greu dolenni at ein gwefannau ar yr amod eich bod yn rhoi gwybod i ni yn ysgrifenedig cyn creu’r ddolen a’ch bod yn darparu dolen at ein gwefannau mewn ffordd deg a chyfreithlon nad yw’n niweidio ein henw da nac yn manteisio arno.

Rhaid i chi beidio â sefydlu dolen mewn ffordd sy’n awgrymu unrhyw fath o gysylltiad, cymeradwyaeth neu ardystiad ar ein rhan ni pan nad yw hynny’n bodoli.

Rhaid i chi beidio â sefydlu dolen at ein gwefannau ar unrhyw wefan nad ydych yn berchen arni.

Cadwn yr hawl i dynnu caniatâd creu dolen yn ôl heb rybudd.

Rhaid i’r wefan sy’n cynnwys y ddolen gydymffurfio ym mhob agwedd â’r safonau cynnwys a nodir yn ein Polisi Defnydd Derbyniol.

Y Gymraeg

Rydym yn fudiad i Gymru gyfan ac yn hyrwyddo ac yn annog y defnydd o’r Gymraeg. Mae ein gwefannau yn galluogi defnyddwyr proffil i lanlwytho gwybodaeth yn Gymraeg ac yn Saesneg ac anogwn hyn yn gryf. Os nad oes gennych wasanaeth cyfieithu ond hoffech lanlwytho gwybodaeth yn ddwyieithog cysylltwch â ni i gael gwybodaeth drwy ebostio [email protected].

Deddfau pa wlad sy’n llywodraethu unrhyw anghydfodau?

Llywodraethir y telerau defnyddio hyn, eu cynnwys a’u ffurfiant (gan gynnwys unrhyw anghydfodau neu hawliau digontract) gan gyfraith Cymru a Lloegr. Cytunwn ni’n dau i awdurdodaeth lwyr llysoedd Cymru a Lloegr.

Mae Cefnogi Trydydd Sector Cymru yn gydweithrediad rhwng Cyngor Gweithredu Gwirfoddol Cymru (CGGC) a’r Cynghorau Gwirfoddol Sirol (CGSau) yng Nghymru (y cyfeirir atynt yn yr hysbysiad hwn ar y cyd fel “ni”). Y nod yr ydym yn ei rannu yw galluogi’r trydydd sector a gwirfoddolwyr ledled Cymru i gyfrannu’n llawn at lesiant unigolion a chymunedol, yn nawr ac at y dyfodol.

Er mwyn cyflawni’r nod hwn rydym wedi cydweithio i ddatblygu dwy gronfa ddata (y Cronfeydd Data). Mae’r naill yn system Rheoli Cysylltiadau Cleientiaid (CRM) y gallwn ei defnyddio i storio manylion y mudiadau yr ydym yn gweithio gyda nhw ac i gofnodi unrhyw ryngweithiadau rhwng aelodau o Cefnogi Trydydd Sector Cymru a’r mudiadau hyn. Gallwn hefyd gofnodi manylion cyswllt pobl sydd â diddordeb yn ein gwaith, boed hynny fel unigolion neu ar ran eu mudiadau a defnyddio’r system CRM i reoli ein gweithgareddau cyfathrebu â nhw.

System Rheoli Gwirfoddolwyr yw’r llall sy’n galluogi Cefnogi Trydydd Sector Cymru i hwyluso’r broses o gysylltu’r rheini sydd eisiau gwirfoddoli â’r mudiadau trydydd sector sydd angen gwirfoddolwyr mewn ffordd sy’n gwella’r profiad gwirfoddoli a’r broses rheoli gwirfoddolwyr. Mae’r cronfeydd data hyn ar wahân, ond maent wedi’u cysylltu â’i gilydd.

Rydym wedi datblygu’r hysbysiad preifatrwydd hwn i fod mor dryloyw â phosib ynglŷn â’r Cronfeydd Data a’r wybodaeth bersonol a gedwir ynddynt. Mae’r hysbysiad preifatrwydd hwn wedi’i ysgrifennu i’r unigolion y mae eu gwybodaeth bersonol yn cael ei storio yn y Cronfeydd Data (y cyfeirir atynt yn yr hysbysiad hwn fel “chi”). Rydym yn trin preifatrwydd data o ddifrif ac yn cydymffurfio â fframwaith deddfwriaethol diogelu data y Deyrnas Unedig sy’n cynnwys y Rheoliad Diogelu Data Cyffredinol (GDPR) Ewropeaidd a deddfwriaeth y DU ei hun.

Pa wybodaeth sydd yn yr hysbysiad preifatrwydd hwn?

Gofynnwn i chi ddarllen yr hysbysiad preifatrwydd hwn yn ofalus gan ei fod yn cynnwys gwybodaeth bwysig ynglŷn â’r canlynol:

• pa wybodaeth bersonol sy’n cael ei storio yn y Cronfeydd Data;
• sut mae’r wybodaeth bersonol a gedwir yn y Cronfeydd Data yn cael ei defnyddio ac at ba ddibenion (prosesu yw’r enw a roddir ar hyn);
• y sail gyfreithlon dros brosesu’r wybodaeth yn y ffordd hon;
• sut ac o ble rydym yn casglu’ch gwybodaeth bersonol;
• pwy sydd â mynediad at y wybodaeth a gedwir yn y Cronfeydd Data;
• trydydd partïon y gallem rannu’ch gwybodaeth bersonol â nhw;
• am ba hyd rydym yn cadw’ch gwybodaeth bersonol;
• sut y gallwch reoli’ch dewisiadau cyfathrebu; ac
• o ble i gael rhagor o wybodaeth ynglŷn â’ch hawliau preifatrwydd.

Rheolydd Data

Er mai WCVA sy’n rheoli’r Cronfeydd Data, mae’r wybodaeth yn y Cronfeydd Data yn cael ei chadw ar ran yr holl aelodau o Cefnogi Trydydd Sector, h.y. WCVA a’r CGSau yng Nghymru gyda’i gilydd. Rydym yn gyd-reolwyr data o’r wybodaeth bersonol a gedwir yn y cronfeydd data. Rydym wedi ymrwymo i Femorandwm Cyd-ddealltwriaeth sy’n rheoli ein perthynas mewn cysylltiad â’r Cronfeydd Data.

Mae pob un o’r mudiadau sydd wedi ymrwymo i’r Memorandwm Cyd-ddealltwriaeth wedi penodi person cyswllt sy’n gyfrifol am y Cronfeydd Data. I WCVA, y person cyswllt hwn yw Swyddog Diogelu Data WCVA. Mae manylion llawn y mudiadau a sut i gysylltu â nhw ar gael yma.

Categorïau Gwybodaeth Bersonol

Cedwir y categorïau canlynol o wybodaeth bersonol yn y Cronfeydd Data:

• enw cyntaf a chyfenw
• y cyfarchiad sydd orau gennych
• unrhyw anrhydeddau sydd gennych
• mudiad
• teitl swydd
• cyfeiriad(au) cyswllt
• cyfeiriad(au) ebost cyswllt
• rhif(au) ffôn cyswllt
• rhif(au) cyswllt mewn argyfwng – gwirfoddolwyr yn unig
• dyddiad geni – gwirfoddolwyr yn unig
• manylion perthnasol i’ch chwiliad am gyfleoedd gwirfoddoli
• manylion eich diddordebau yn y trydydd sector a’ch dewisiadau cyfathrebu
• eich dewis iaith (Cymraeg neu Saesneg)

Rydym hefyd yn cadw manylion eich rhywedd, eich tarddiad o ran hil neu ethnigrwydd, a’ch iechyd neu’ch cyflwr corfforol neu feddyliol, os ydych wedi darparu’r rhain i ni yn wirfoddol.

Ar gyfer beth y defnyddir y Wybodaeth Bersonol?

Prif ddiben y Cronfeydd Data yw ein galluogi i reoli ein gweithgareddau cyfathrebu â phobl a mudiadau sydd eisiau clywed gennym. Gan ddefnyddio’r wybodaeth bersonol yn y cronfeydd data gallwn anfon gohebiaeth yr ydym yn credu a fydd o ddiddordeb i chi drwy ebost, ffôn, neges destun, post, y cyfryngau cymdeithasol a sianeli digidol eraill. Mae defnyddio a rhannu’r Cronfeydd Data canolog yn osgoi dyblygu diangen. Mae’r Cronfeydd Data hefyd yn cynnwys nodwedd sy’n eich galluogi i reoli’r ohebiaeth rydych yn ei chael yn fwy effeithiol.

Mae’r Cronfeydd Data hefyd yn adnodd i’n galluogi i baru cyfleoedd gwirfoddoli â gwirfoddolwyr.

Gallwn hefyd ddefnyddio’r Cronfeydd Data i ddarparu mewnwelediad a dadansoddiad i’n helpu i barhau i wella effeithiolrwydd ein gweithgareddau cyfathrebu, datblygu’r cynhyrchion a’r gwasanaethau yr ydym yn eu cynnig i’n haelod-fudiadau, monitro cyrhaeddiad ein gweithgareddau cyfathrebu ac amrywiaeth y derbynyddion a darparu adroddiadau i gyllidwyr a rheoleiddwyr.

Sylwer, ac eithrio yn achos gwirfoddolwyr, bydd gwybodaeth ynglŷn â’ch rhywedd, eich tarddiad o ran hil neu ethnigrwydd, a’ch iechyd neu’ch cyflwr corfforol neu feddyliol yn cael ei defnyddio at ddibenion ystadegol a monitro yn unig, a hynny yn ddienw.

Os oes gennych ddiddordeb mewn gwirfoddoli, mae’r Cronfeydd Data yn eich galluogi i ddarparu gwybodaeth o’ch gwirfodd ynglŷn ag unrhyw ofynion penodol sydd gennych sy’n deillio o’ch cyflwr iechyd corfforol neu feddyliol.

Ffynonellau Gwybodaeth

Cafodd y wybodaeth bersonol sydd yn y system CRM ei mewnforio’n wreiddiol iddi o gronfeydd data a gynhaliwyd ar wahân gan WCVA a’r CGSau. Mae’r System Rheoli Gwirfoddolwyr yn gronfa ddata cwbl newydd.

Gellir ychwanegu at y wybodaeth sydd yn y Cronfeydd Data gyda gwybodaeth a ddaw o ffynonellau amrywiol gan gynnwys:

• gwybodaeth a geir yn uniongyrchol gennych chi
• gwybodaeth a geir gan fudiadau sy’n aelodau ohonom neu sydd â chysylltiad â ni – efallai’ch bod yn gweithio neu’n gwirfoddoli i un o’r mudiadau hyn a bod y mudiad wedi anfon eich manylion atom ni
• gwybodaeth a gesglir mewn digwyddiadau neu gyrsiau hyfforddi a gynhelir gennym
• gwybodaeth sydd ar gael yn gyhoeddus gan gynnwys o ffynonellau arlein a’r cyfryngau cymdeithasol
• gwybodaeth a gynhyrchir gennym ni ac a gofnodir yn y Cronfeydd Data, megis eich diddordebau a’ch dewisiadau cyfathrebu

Y Sail Gyfreithlon

Ni fyddwn yn storio’ch gwybodaeth bersonol yn y cronfeydd data ond pan allwn wneud hynny’n gyfreithlon. Mae’r fframwaith deddfwriaethol diogelu data yn darparu nifer cyfyngedig o resymau dros brosesu gwybodaeth bersonol.

Rydym yn dibynnu ar y seiliau cyfreithlon canlynol i brosesu gwybodaeth gyffredinol:

• pan fo gennym eich caniatâd
• pan fo prosesu eich data personol o fudd cyhoeddus
• pan fo angen prosesu’ch data personol ar gyfer ein buddiannau cyfreithlon neu fuddiannau cyfreithlon trydydd sector ac nid yw’ch hawliau preifatrwydd yn cael blaenoriaeth dros y buddiannau hyn

Yn yr achos hwn y buddiannau cyfreithlon yw buddiannau WCVA a’r CGSau sydd wedi ymrwymo i’r Memorandwm Cyd-ddealltwriaeth sydd am gyfathrebu â phobl a mudiadau sydd â diddordeb ynglŷn â’u gwaith a’r gwasanaethau maent yn eu cynnig. Mae gennym hefyd y budd cyfreithlon o fod eisiau rhannu adnoddau a chydweithio drwy fod â chronfeydd data canolog effeithiol. Credwn fod hyn o fudd cyhoeddus yn ogystal.

Mae’ch hawliau preifatrwydd wedi’u diogelu gan nad yw’r Cronfeydd Data ond yn storio gwybodaeth sylfaenol amdanoch, ceir protocol llym ar gyfer pwy all gael at eich gwybodaeth bersonol ac mae gennych y gallu i reoli’ch dewisiadau cyfathrebu. Gallwch hefyd wrthwynebu ein bod yn storio ac yn defnyddio’ch gwybodaeth bersonol unrhyw bryd fel yr amlinellir isod.

Mae’r fframwaith deddfwriaethol diogelu data yn cynnwys darpariaethau penodol sy’n ein galluogi i brosesu gwybodaeth ynglŷn â’ch rhywedd, eich tarddiad o ran hil neu ethnigrwydd, a’ch iechyd neu’ch cyflwr corfforol neu feddyliol er mwyn monitro amrywiaeth yn ddienw. Ar gyfer gwirfoddolwyr gall gwybodaeth ynglŷn â’ch iechyd neu’ch cyflwr corfforol neu feddyliol gael ei phrosesu gyda’ch caniatâd penodol.

Pwy all gael at eich Gwybodaeth Bersonol

Er bod y Cronfeydd Data yn gydweithrediad, ni all pob aelod o Cefnogi Trydydd Sector Cymru gael at eich gwybodaeth bersonol na’i defnyddio.

Rydym wedi sefydlu protocol llym, sydd wedi’i gynnwys yn y Memorandwm Cyd-ddealltwriaeth, i sicrhau nad yw WCVA neu CGS penodol ond yn cael at eich gwybodaeth ac yn ei defnyddio pan fo:

• gennych eisoes berthynas â’r aelod perthnasol o Cefnogi Trydydd Sector Cymru a oedd yn bodoli cyn datblygiad y Cronfeydd Data
• caniatâd wedi’i roi gennych chi i’r aelod perthnasol o Cefnogi Trydydd Sector Cymru gyfathrebu â chi
• gan yr aelod o Cefnogi Trydydd Sector Cymru fudd cyfreithlon penodol i ddefnyddio’ch gwybodaeth oherwydd, er enghraifft, mae’n cynnal digwyddiad yn yr ardal yr ydych yn byw neu’n gweithio ynddi

Gan fod WCVA yn gyfrifol am reoli’r Cronfeydd Data, gall nifer bach o aelodau o staff WCVA gael at yr holl wybodaeth sydd yn y Cronfeydd Data.

Rhannu’ch gwybodaeth bersonol â Thrydydd Partïon

Mae’r rhan hon o’r hysbysiad preifatrwydd yn nodi manylion trydydd partïon y gallem rannu’r wybodaeth bersonol sydd yn y Cronfeydd Data â nhw.

Mae’r Cronfeydd Data yn cael eu lletya gan drydydd partïon o’r enw Sales Force a Team Kinetic. Er bod gan Sales Force a Team Kinetic fynediad at y wybodaeth yn y Cronfeydd Data i sicrhau eu bod bob amser yn gweithio’n effeithiol, ni chaniateir iddynt ddefnyddio’r wybodaeth am unrhyw reswm.

Gallem hefyd redeg adroddiadau cyfanredol dienw oddi ar y cronfeydd data a’u rhannu â Llywodraeth Cymru, awdurdodau lleol, byrddau iechyd a’r Comisiwn Elusennau. Mae’n bosib y cyhoeddir yr adroddiadau hyn yn ogystal. Ni fyddwn yn rhannu’ch gwybodaeth bersonol â’r cyrff hyn fodd bynnag nac yn rhoi mynediad iddynt at y data “crai” y mae’r adroddiadau wedi’u seilio arno. Gallai’r aelodau o Cefnogi Trydydd Sector Cymru benodi ymchwilydd allanol i’n cynorthwyo gyda’r gwaith hwn, a fyddai’n cael mynediad at y wybodaeth sydd yn y Cronfeydd Data.

Gallai Cefnogi Trydydd Sector Cymru hefyd benodi gwerthuswr mewnol neu allanol i asesu effeithiolrwydd y Cronfeydd Data. Byddai’r gwerthuswr yn cael mynediad at y wybodaeth bersonol sydd yn y Cronfeydd Data, ond ni fyddai’n gallu defnyddio’r wybodaeth.

Nid ydym yn trosglwyddo gwybodaeth bersonol sydd yn y Cronfeydd Data y tu allan i’r Ardal Economaidd Ewropeaidd. Nid yw’r un o’r darparwyr gwasanaethau yr ydym yn eu defnyddio i’n cynorthwyo i ddarparu’r Cronfeydd Data wedi’u lleoli y tu allan i’r Ardal Economaidd Ewropeaidd.

Eich Dewisiadau Cyfathrebu

Mae’r Cronfeydd Data yn cynnig nodwedd i ni sy’n eich galluogi i bennu’ch dewisiadau cyfathrebu, o ran y dull cyfathrebu, y pwnc a pha fudiadau yr hoffech glywed ganddynt. Ewch i’r link ar y neges i ddiweddaru neu newid eich dewisiadau cyfathrebu unrhyw bryd. Sylwch y gall gymryd hyd at wythnos i unrhyw newidiadau gael eu prosesu.

Am ba hyd y byddwn yn cadw’ch gwybodaeth bersonol

Mae’r fframwaith deddfwriaethol diogelu data yn gosod rhwymedigaeth arnom i adolygu am ba hyd yr ydym yn cadw gwybodaeth bersonol. Ni allwn ond cadw’ch gwybodaeth bersonol am gyhyd ag sy’n angenrheidiol i ni wneud hynny. Nid ydym ond yn bwriadu cadw’ch gwybodaeth mewn ffurf adnabyddadwy yn y Cronfeydd Data tra ydych yn dal i fod yn fodlon i ni barhau i gyfathrebu â chi, neu tra ydych yn dymuno cael gwybod am gyfleoedd gwirfoddoli. Nid oes gennym gynlluniau ar hyn o bryd i ddileu’ch gwybodaeth.

Hawliau Unigolion

Mae gennych nifer o hawliau mewn perthynas â’r wybodaeth bersonol a gedwir yn y Cronfeydd Data. Os hoffech arfer unrhyw rai o’r hawliau, cysylltwch â WCVA drwy un o’r ffyrdd a nodir isod.

• Mae gennych hawl i gael mynediad at y wybodaeth bersonol sydd gennym amdanoch
• Mae gennych hawl i gywiro unrhyw wybodaeth sydd gennym amdanoch yr ydych yn credu sy’n anghywir neu’n anghyflawn
• Mae gennych hawl i wrthwynebu ein defnydd o’ch gwybodaeth bersonol at ddibenion marchnata uniongyrchol. Os na hoffech i ni gyfathrebu â chi mwyach, cysylltwch â ni. Ni fyddwn wedyn yn cyfathrebu â chi, ond byddwn yn cadw cofnod ohonoch a’ch cais i beidio â chlywed gennym.
• Mae gennych hawl i ofyn i ni ddileu’ch gwybodaeth. Sylwch, os ydym yn gwneud hyn, na fydd gennym gofnod o’r ffaith eich bod wedi gofyn i ni beidio â chyfathrebu â chi. Mae’n bosib felly y byddwch yn dechrau clywed gennym ryw adeg yn y dyfodol, os ydym yn cael eich manylion o ffynhonnell wahanol.
• Pan fo prosesu’ch gwybodaeth bersonol wedi’i seilio ar eich caniatâd, mae gennych hawl i dynnu’r caniatâd yn ôl unrhyw bryd. Cysylltwch â ni os hoffech wneud hyn.

Manylion Cyswllt

[email protected]

Sut i Gwyno

Rhowch wybod i ni os ydych yn anfodlon â’r ffordd rydym wedi defnyddio’ch gwybodaeth bersonol.

Mae gennych hefyd hawl i gwyno i Swyddfa’r Comisiynydd Gwybodaeth. Gallwch gael gwybod ar ei gwefan sut i godi pryder yma.

Newidiadau yn yr Hysbysiad Preifatrwydd hwn

Diweddarwyd yr hysbysiad preifatrwydd hwn ddiwethaf ar 2 Mai 2018. Rydym yn adolygu’r hysbysiad preifatrwydd hwn yn rheolaidd a gallem ei newid o bryd i’w gilydd drwy ddiweddaru’r dudalen hon i adlewyrchu newidiadau yn y gyfraith a/neu ein harferion preifatrwydd. Fe’ch anogwn i wirio’r hysbysiad preifatrwydd hwn am unrhyw newidiadau yn rheolaidd.

Rhestr o Aelodau Cefnogi Trydydd Sector Cymru a’u Manylion Cyswllt